المهندسة مها أبو عبيد تروى تجربتها في مبادرة توزيع المساعات على أهالي غزة

روت المهندسة مها أبو عبيد بعض معاناة أهالي غزة في ظرل ظروف الحرب الطاحنة واحتياجهم إلى الطعام والمساعدات.

وأكدت أبو ديب في منشور لها على صفحتها الشخصية "فيس بوك" تجربتها في الأولى في العمل بمجال توزيع المساعدات عن طريق أهل الخير حيث تمكنت مع فريق عمل  في رسم الفرحة على الكثير من الأسرة بعد نجاحهم في هذه المهمة.

وجاء نص المنشور كالتالي:

تقريبا ليس لي اي دور عمل سابقا بمجال مبادرات توزيع لاهل الخير بظل هذه الاوضاع الصعبة التي يعاني منها قطاع غزة

ولا اعمل ولا اتبع الي اي جمعية مختصة بهذا العمل

خلال الحرب كان في ازمة طحين غالي ومش متوفر فصديق عمل اقترح انه بده يتبرع بطحين واوزعه ع اهل الخير

بداية ترددت لعدة اسباب

اولها : لم اعمل بهذا المجال ولا سبق لي انه جربته فخوف اكثر من فشل المهمة وعدم اتمامها ع اكمل وجه

ثانيا: بالحرب كثير ناس هات هويتك بدي اسجلك بكابونة...هات اسمك رباعي اجيبلك كابونة وبالاخر بياخذوا كابونات ع اسماء نازحين وما بسلموا امانة وبتاجروا فيها على عينك يا تاجر

فطبعا بصير هجوم من ناس عليهم وبطلت الناس زي قبل نفسيا ناس تعبت وبطلت تثق بحد فكنت خايفة اتعرض لهجوم من الناس انه دار فلان فلاني جاب كابونة وما سلمها فكان في تردد

ثالثا : في فئة من ناس همج ما عنده اسلوب حوار بل اسلوب التهجم وطبعا كنت اسمع قصص كثير واشوفها بحارتي

طبعا ترددت بهل فترة لغاية ما قلت انه بالاخر هاي مبادرة من زميل عمل هو هيلم التبرعات ويسلمني اياها بحكم ثقة الي بينا وما حبيت اعترض صدقة بدها تصل خصوصي بوقت صعب والناس محتاجة لاي امل او اي مساعدة بهيك وقت

بالاخر رضيت وطبعا الاشي قليل جدا والله عليهم ياريت لو عملناها على اشي اكبر .

بعد ما وافقت ..بدا صديقي بلم تبرعات

واول ما جهز المبلغ لنبلش حولهن لي بنكي على حسابي

اول مشكلة واجهتها هي انه بنك مش بيعطي فلوس بالمرة فش سيولة وقفت ع طابور مرتين في كل مرة اقف ب ٥ ل٦ساعات وبالاخر ع فاضي

انجبرت ادفع عمولة ٥% ل٦% لشخص معه سيوله

وطبعا ساعدتني صديقة نازحة بموضوع سيولة جزاها كل خير

 وهنا بلشت الرحلة الي كنت خايفة منها كثير ومش بحب لبلبة ناس

خلال ٤ ايام

كنت انزل يوميا من ساعة ١٢ ل ٣ ...او من ١٠ ص ل ٢

الف بسوق اشوف اسعار واحاول اشتري زي كاني بشتري لاهلي فعليا

وبفاصل وبحاول اجيب بسعر جملة احيانا

اخواتي محمد ومحمود اعمارهم ١٥سنة و ١٠سنوات ساعدوني والله بشيل والحط لانه شرينا كمية معلبات وشوالات طحين

 بعد ما جهزنا جبنا ميزان وقعدنا نوزن طحين ونرتب اكياس نايلون وخواتي جهزوا بطاقاات ادعية جزاهم كل خير

حرفيا ما كان سهل الموضوع لانه بتسوق بوضع زحمة واسعار غالية وحرب مستمرة

شاءت الاقدار نخلص الحمد الله ٢٢ طرد ل ٢٢ عيلة

طبعا طلبوا اوزع بمدارس طبعا الي بتفرج ع نت غير الي بواقع

فخبرتهم صعب جدا بمدارس ما في اوزع عدد طرود قليلة والمدرسة فيها ٧٠٠٠ نازح وما بتحمل فكرة ارضي هذا واترك هذا واجاوب هذا واسيب هذا

فقلت لهم في ارض عنا فيها خيم وعدد خيم متفاوت بحسبب حجم الارض

اخترت قطعة ارض وكان فيها عدد خيم متناسب نوعا ما مع عدد الطرود

صديقي بثق فيه وهو بثق فيه طبعا جماعة متبرعين كانوا متبرعين لناس قبل هيك وانصب عليهم فطلبوا مني اوثق صور واصور الناس

صديقي وانا رفضت كليا

خبرتهم اوعكوا تفكروا النازح شحات لا ده ليه بيت وليه ارض وليه مال وليه ملك وناس اهل عز وكرامة مش هاجي انا ع اخر العمر اصور

طبعا ترددت ثاني وبديش اعمل وبدي اوقف حكولي خلص ما بدنا توثقي النا

والامر متروك الك

طبعا انا خلال ٤ و٥ ايام عمل سجلت فيديو كيف شريت طحين وكم دفعت

وصورت كيف بفاصل 😂 وبشتري من تاجر مجموعة معلبات

وصورت زحمة سوق وانا بلف وبطلع وصورت زحمة بنك

مهم ع موضوع التوثيق ما قصرنا

وبالاخر قبل توزيع اعطيتهم فاتورة شراء

وقلت لهم باقي لكم مبلغ برصيد

فعليا والله انبسطوا جماعة حسو 😂😂 بكل خطوة زي كانهم معي

يوم توزيع وزعت ع اهل خير ناس بقمة تواضع استقبلوني ورحبوا في وما بنسى ست الي اعطتني خبز شمسي كثير رائع ...والها زيارة لازم اتعلم كيف عملته

طبعا ما اقلكم شعور خوف لانها اول مرة الي ومسؤولية مش سهلة طبعا كانت معي صديقة نازحة ربي يحفظها ما قصرت معي

اصعب مواقف عشتها بساعة توزيع فقط

اول موقف لما وقف شخص خارج الخيم الي بوزع فيها والله هندام ومثقف وعزيز نفس وابن ناس وكبير بسن  حكى كل مرة بيجي توزيع للخيم وبنسوني الناس تعالوا شوفي هي بيت الي نزحت في انا مش بخيمة وقاعد بحاصل نصه اسمنت ونصه شادر ونايلون وانا شفت فعلا

وانا ما كنت منتبه اله فعلا لانه فكرته ببيت فطبعا ما اعطيته لانه طرود قليلة وخبرته لو في اول حد هاجي لك باذن الله

الحلو حافظ هويته وهوية اخوه قال انا واخوي نازح والله حافظ هوية اخوه وافتكره زي ما افتكر حاله

موقف ثاني وانا بوزع بقطعة الارض كان قبالها ارض فيها خيم بسيطة اجي شخص بده حكتله بعتذر منك المبادرة لهذه الارض واذا تمت مبادرة ثانية هسلمك حكالي بس الي قلت اله والله ما ينعز عنك لكن اعطيك واخوك جنبك نازح وما اعطيه لا اصبر وربك كريم

موقف ثالت : وما ادراكم ما النسوان

والله عارفة انها بتحور علية وبتغشم عليه بس هي عايزة كمان كابونة عشان تكفيهم

والله ما حبيت اقلها لا وخدمتها اتفاجا القى ست سامعة حوار تسكت تعدي لا قالت وانا زيها قلت الها وليكن

فناس هنا والله من هول الفاجعة الي اصابتهم ومن عظمة الابتلاء الي في ناس

والله قليل عليهم كل اشي وحقهم يطلبوا مثنى وثلاث ....الخ 

الي فقدوه وعاشوه بفترة اكثر من ٥شهور والله لا بتشفيه كابونات ولا اعادة اعمار ولا تنزه ولا فلوس لانه ازمة صعبة بجد

ناس امنيتها كانت ترجع ع دورها ولو ع ردم تقعد

طبعا بنسبة لتجربة كيف بوصفها

بقول الحمد الله ما منعت صدقة تروح لناس عشان خوف وتردد عندي

وبنفس الوقت ما حبيت اشوف ناس بهيك وضع وانه ما بقدر ارضي الكل ما حبيت اكمل خصوصي انه انا بدور ع شغل وبدي دخل وشغلة مبادرة بتاخذ وقت ومجهود لانه حياتنا بغزة فيها صعوبة بالغة بكل خطوة انت بتعتقد انها بسيطة

الحمد الله تم التوزيع ل ٢٢ عيلة

وبتمنى تتوسع مباردة اكثر  واكثر بالمستقبل .